UM FLUGBEITT

Ég heiti Sveinbjörn Grétarsson og er maðurinn á bak við flugbeitt.is.
Ég er að brýna í aukavinnu og er með aðstöðu í 50 fermetra bílskúr heima hjá mér á Kjalarnesi.

Eftir að hafa brýnt allt fyrir sjálfan mig og vini um árabil, fjárfest í miklum búnaði og eytt ómældum tíma í að fræða mig um allt sem við kemur brýningum ákvað ég að byrja bjóða upp á þessa þjónustu fyrir almenning og setti þessa vefsíðu í loftið í byrjun árs 2022.

Ég legg metnað minn í að vanda vel til verka og nota sérstakan og fjölbreyttan búnað eftir því hvað verið er að brýna.

HNÍFAR: 2.500 - 4.000 kr.

Ég brýni allar gerðir hnífa svo þeir verða beittari en nýir. Geri við skemmda hnífa, bý til nýja egg sem mótuð er eftir því hvað á að nota hnífinn í. Ég nota mest Tormek-8 vatnsbrýni sem sér til þess að eggin á hnífnum hitni ekki og skemmist við brýninguna sem tryggir að gæði stálsins haldist bit hnífsins endist lengur. Hallinn á egginni skiptir miklu máli upp á að tryggja besta árangur og endingu hnífsins í þeim verkum sem hann er notaður í. Eins er mjög mikilvægt hreinsa vel og á sem bestan hátt gráðuna (en. burr) af egginni. Það tryggi ég með ýmsum gerðum af leðri og massa í lok brýningar. Einnig er ég með öfluga smásjá sem gerir mér kleift að skoða eggina mjög nákvæmlega. Það fer enginn hnífur frá mér nema í fullkomnu lagi og flugbeittur.

Ég vanda mjög til verka og gef engan afslátt á gæði vinnu þó að um ódýran hníf sé að ræða. Það tekur mig 15 til 20 mínútur að brýna hvern hníf og því rukka ég 2 til 4 þúsund krónur á hvern hníf. Ef viðskiptavinur vill fá marga hnífa brýnda gef ég afslátt.

Alltaf er hægt að hafa samband og fá tilboð í það sem á að brýna.

SKÆRI: 2.500 - 5.000 kr.

Ég brýni allar tegundir af skærum fyrir hárgreiðslustofur, hundasnyrta, fatahönnuði og klæðskera. Ég nota sérstakan búnað, Twice as sharp - Ookami Gold, frá Wolff industry í USA sem tekur eins lítið stál af skærunum og mögulegt er og pólerar svo skærin á eftir. Öll skæri hreinsuð, smurð og stífleiki stilltur. Á úrval af varahlutum.

Ég rukka 2.500 til 5.000 kr. fyrir hver skæri, fer eftir týpu og tegund.
Hægt er að hafa samband og fá verðtilboð. Ef brýna á mörg skæri lækkar verðið.

ANNAÐ:

Brýni einnig sporjárn, garð- trjá- og grasklippur, slátturvélahnífa og fleira. Skoða allt.